Birasdirektoráhta birra

Badjel 40 jagi leat Luondduhálddašandirektoráhtta (DN) ja Dálkkádat- ja nuoskkidandirektoráhtta (Klif) mearkkašan olu luonddugáhttemii, nuoskkideami geahpedeapmái ja norgga biraspolitihka ovdáneapmái. Suoidnemánu 1.b. 2013 biddjuimet oktii okta stuorra, ollislaš fágaetáhtan, Birasdirektoráhttan, mii lea Birasdepartemeantta vuollásaš.


Ellen Hambro lea Birasdirektoráhta direktevra. Govven: John Petter Reinertsen

Birasdirektoráhtta lea Birasdepartemeantta vuollásaš direktoráhtta mas leat birrasii 700 mielbargi. Eatnašat barget min kantuvrrain Troanddimis ja Oslos.

Troanddimis leat ossodagat main lea ovddasvástádus luondduhálddašeamis. Oslos leat ossodagat main lea ovddasvástádus dálkkádagas ja nuoskkideamis.

Stáhta luonddubearráigeahčču (SNO) lea oassi direktoráhtas ja das leat bargit badjel 60 báikkálaš kantuvrrain.

Hálddašit norgga luonddu ja eastadit nuoskkideami

Birasdirektoráhtas leat guovddáš barggut ja ovddasvástádus barggus hálddašit norgga luonddu ja eastadit nuoskkideami.

Min doaimmat leat gozihit birasdili ja gaskkustit dieđuid, leat mearrideaddji eiseváldi, stivret ja bagadit regiovnna ja gieldda dásis, ovttasbargat guoskevaš sektoreiseválddiiguin, leat fágalaš ráđđeaddin ja leat mielde riikkaidgaskasaš birasbarggus.

Min barggu ulbmil

Ráđđehus ja Stuorradiggi mearridit biraspolitihka ambišuvdnadási. Biraspolitihkka lea juohkásan iešguđet boađussurggiide main leat konkrehta nationála ulbmilat.

Birasdirektoráhtas leat dehálaš barggut mat galget veahkehit olahit ulbmiliid dáin surggiin:

  • dássedis dálkkádat ja nannejuvvon heivehannávccat
  • olu vuovddit
  • hirpmus várreduovdagat
  • šattolaš njeaššit
  • mirkkohis biras
  • aktiivvalaš olgunastin
  • mávssolaš kulturduovdagat
  • ealli mearra ja riddu
  • ceavzilis jogat ja jávrrit
  • doabbarat ja ođđasis ávkkástallan
  • buhtes áibmu ja unnit riedja