Jotunheimen strekkjer seg frå vestlandsk natur, med høge og kvasse tindar i Hurrungane som det mest særmerkte, til austlandsk natur med store dalar og fjellvatn.
Nasjonalparken ligg i kommunene Lom, Vågå og Vang i Innlandet fylke, og Luster og Årdal i Vestland fylke.
Tilgrensande verneområder
Utladalen landskapsvernområde.
Verneformålet til Jotunheimen nasjonalpark
Utdraget under er henta fra § 1 i Forskrift om Jotunheimen nasjonalpark:
Formålet med nasjonalparken er å ta vare på eit stort, samanhengjande og villmarksprega naturområde i overgangen mellom austlandsk og vestlandsk fjellnatur som inneheld særprega og representative økosystem og landskap utan tyngre naturinngrep.
Vidare er formålet med vernet å ta vare på:
- eit høgfjellsøkosystem med eit eigenarta og variert naturmangfald, medrekna artar, bestandar, naturtypar og geologi
- store alpine fjellmassiv med brear og spisse tindar med dei høgste fjelltoppane i Noreg
- vakre og eigenarta landskap
- fjellvatn og vassdragsnatur
- særprega geologiske førekomstar
- leveområde for villreinen
- kulturminne
Kva for restriksjonar som gjeld i nasjonalparken kan du lese om i verneforskriften § 3.
Nasjonalparksenter
Tilknytta Jotunheimen nasjonalpark er Besøkssenter nasjonalpark Jotunheimen Breheimen Reinheimen.
Nasjonalparksenteret skal
- være ein åpen dør til naturen og naturopplevelsar
- informere om nasjonalparker og naturvern
- skape forståing for vern av sårbare naturtypar og artar og verdia av store samanhengande naturområde
Forvaltning av nasjonalparken
Klima- og miljødepartementet har delegert myndigheit for å forvalte nasjonalparken til Jotunheimen og Utladalen nasjonalparkstyre.
I tillegg er ein nasjonalparkforvaltar ansatt hos statsforvaltaren som sekretariat for styret. Vedkommande er underlagt styret i det som handlar om forvaltninga av verneområdet og har i oppgave å sikre god kontakt med, og ha kunnskap om, lokalmiljøet.
Forvaltaren skal og sjå til at forvaltninga skjer i samsvar med internasjonale forpliktingar nasjonale føringar, naturmangfoldlova og verneforskriften til området.
Flere fakta om nasjonalpark og vernet natur
Turistinformasjon