Biodrivstoff: Krevjande å redusere risiko for avskoging

Miljødirektoratet har tidlegare anbefalt å fase ut bruken av konvensjonelt biodrivstoff i Noreg innan 2030 fordi konvensjonelt biodrivstoff gir vesentleg risiko for negative konsekvensar, som tap av natur og auka globale klimagassutslepp. Konvensjonelt biodrivstoff er biodrivstoff som i hovudsak er framstilt av mat- og fôrvekstar.

Miljødirektoratet har fått i oppdrag av Klima- og miljødepartementet om å greie ut ei vidare auke i omsetningskrava for biodrivstoff. I oppdraget peikast det på at ei eventuell auke i bruken av konvensjonelt biodrivstoff fram mot 2030 føreset at det er mogleg å gjere dette på ein måte som gir lav risiko for arealbruksendringar og avskoging.

Miljødirektoratet vurderer at sjølv om det er mogleg å innføre regulatoriske verkemiddel for å differensiere mellom ulike typar konvensjonelt biodrivstoff, vil auka bruk truleg likevel ha negative konsekvensar for natur og klima.

Relevante lenker