Lær å bygge sti med greiner
Stiskulen er oppdatert med ny rettleiing i stitilrettelegging. Sjå metoden steg for steg med forklaring og video på Miljødirektoratet si nettside.
Om du har behov for å utbetre ein del av stien som er lett stigande eller bratt, kan greinsti vere eit godt alternativ i skogsterreng. Ein greinsti kanaliserer ferdsla og har eit naturleg uttrykk.
Sjå instruksjonar her, med videoar som viser korleis det blir gjort:
Bli klar til sommaren med Stiskulen
Stiskulen på Miljødirektoratet sine nettsider har rettleiing i fleire ulike teknikkar for vedlikehald og tilrettelegging av stiar – slik som tilsynsrutinar, vassrenner, gangbaner/klopper, grussti, steintrapp og meir.
Du får også råd om korleis du skal gå fram når du skal sette i gang med eit større stiprosjekt.
Stiskulen bygger på Statens naturoppsyn sine erfaringar med tilretteleggingstiltak, blant anna i verneområde.
Utforsk Stiskulen her: