Høringer

Engebø-prosjektet: Godkjenning av avfallshandteringsplan for Nordic Rutile AS

Nordic Rutile AS har løyve til forureining frå gruvedrift med produksjon av titandioksid (rutil), granat og pukk, sist oppdatert 18. januar 2021. I punkt 8.3 i løyvet er det stilt vilkår om at ein eigen avfallshandteringsplan skal vere godkjent av Miljødirektoratet før deponi kan takast i bruk.

Nordic Rutile AS har 5. juli 2022 oversendt avfallshandteringsplan til Miljødirektoratet for godkjenning. Sidan planen ikkje vart sendt på høyring saman med søknad om løyve etter forureiningslova, sender vi no planen på ein separat høyring.

Miljødirektoratet ber om innspel til planen. Avfallshandteringsplanen ligg nedst på denne sida.

Eventuelle fråsegn skal sendast til Miljødirektoratet via denne sida, ikkje til Miljødirektoratets postmottak. Fråsegn vil liggje på høyringssida og blir synlege for alle interesserte. Du kan finne vedtaket i vår postjournal (eInnsyn.no) etter at saka er avgjort.